KJ Greenlandimi suliffissarsiorit

Kalaallit Nunaannut suliartornissat pilerinartippiuk Issittumilu sanaartortarneq misilikkusullugu? Peqquneqanngikkaluarlutit qinnuteqaammik nassitsigut, suliatigut sammiviit tamaasa iluanni piukkunnartunik sulisussanik TAMATIGUT pissarsiortarpugut.

KJ-imi ilinniarsimasutut sulisartunngorit

Kalaallit Nunaata kitaata avannaani sanaartorfeqarpugut angisuunik mikisunillu, taakkunani ingerlaavartumik ilinniarsimasunik piukkunnartunik pisariaqartitsiuarpugut. KJ-imi ilinniarsimasutut sulisartutut suliffeqarfimmut ilanngusseqataassaatit, unamminartut angisuut mikisulluunniit naammassinissaannut angusaqarusussuseqarlutit. Illoqarfinnut Aasiannut aamma Ilulissanut eqqaannilu nunaqarfinni suliassanut assigiinngitsunut suliassamut immikkut ilinniarsimasunik ingerlaavartumik pissarsiortarpugut. Illoqarfinnut nunaqarfinnulluunniit piumaneruguit – ingerlatanut imaluunniit sulianut kiffartuussiffiusunut – taava KJ Greenland A/S-ip periarfississinnaavaatit.

Ingerlaavartumik sulisartut ilinniarsimasut misilittagallit ilinniarnerminnillu inerlaat ukunani atorfinitsittarpagut:

  • Qaartiterisartoq aamma maskinanik ingerlatsisoq kiisalu sulisartut nalinginnaasut
  • Automekanikerit aamma maskinmekanikerit
  • Aaqqissuussinermik betonngilerinermillu sulianut kiisalu betonnginik immikkoortukkuutaanik pilersitsinermik ikkussuinermillu sulianut.
  • Qarmaasut, sanasut aamma qalipaasut.

Atorfinitsinneqarnissamut ingerlaneq HR-imik suleqatitsinni Jobbest-imi aallartittarpoq, atorfiillu linksit matuma ataaniittut aqqutigalugit qinnuteqarfigissavatit.

Sanaartornermik siulersuineq aamma suliarinninnissamut isumaqatigiissummik aqutsineq.

KJ Greenland atorfilittaqarpoq piginnaasunik ilaatigut illuliornermi konstruktørinik, Issittumi ingeniørinik aamma sulisartunik ilinniarsimasunik, taakku suliarinninnissamut isumaqatigiissutigisavut pilersaarusiortarpaat, aquttarpaat piviusunngortittarlugillu, suliarisatta amerlanersai illoqarfinni Aasianniipput Ilulissanilu, KJ-imilu suliassat suliarinninnissamut isumaqatigiissutit suliaqarfimmut aaliangersimasumut tunngasut tigusarpavut, imaluunniit pingaarnerusutut inissisimasutut imaluunniit tamanik suliarinnittussatut.

“Matuma ataani sanaartornermik siulersuisoqarfitsinni atorfiit maanna inuttassarsiuunneqartut takusinnaavatit.

Illit ilinniagarisimasannut naleqquttumik ersittoqanngippat kaammattussavatsigit peqquneqanngikkaluarlutit qinnuteqassasutit quppernerup ataa’tungaani immersugassaq atorlugu imaluunniit mailimik uunga nassiussinikkut hr@kj.gl

Sianertoqaraangat aamma telefoni tigusarparput imaluunniit piumanerugukku alakkaakkuit matumik ammaassinnaallutit.”

Praktikkerneq aamma ilinniartuuffissaq

Sanaartornermi teknikkikkut inuuniuteqarnerit patajaallisaruk Issittumi sanaartornermik misilittagaqalernikkut!

KJ Greenlandimi sanaartornermi teknikkikkut sammisaqarfiit iluanni tamatigut praktikkertussarsiortarpugut!  Illuliornermi konstruktørimut ilinniartutut imaluunniit ingeniørinngorniatut KJ Greenlandimi sanaartornermik siulersuinerup iluani inuuniuteqarfissavit aqqutissaa pitsaasumik aallartissinnaavat. Angisuunik mikisunillu suliassaqartarpugut katitigaassusii assigiinngitsuusarlutik, sanaartorfiusumilu ulluinnarni aqutsinissamut aammalumi allaffimmi anguniagassat pilersaarutaata aningaasaqarnerullu pingaarnerusumik aqunneqarnerisa isumaginissaannut periarfissinneqassaatit. Aallaqqaataaniilli aqutsisoqatigiitsinnut ilaalissaatit pingaartoq aamma soorunalimi ingerlaavartumik suleqatigisannit illua’tungeqarlutit sungiusartinneqassaatit.

Taamaammat, paasisimasalittut sanaartornermik siulersuinermik misilittagaqalernissat unamminartippiuk taannalu ilutigalugu Kalaallit Nunaat misigisassarsiorfigerusullugu?

Qinnuteqaammik nassitsigut, CV-imik aamma ilinniarfinniit portfolio/suliniutigisimasannut attuumassuteqartut, Søren Pedersenimut ugguuna hr@kj.gl

Sulisartutut ilinniarsimasutut ilinniartuuffissannik ujarlerpit Kalaallit Nunaatalu siunissaanik sanaartoqataarusullutit?

KJ Greenland A/S ilinnut pilerinartuuvoq sanaartornermik suliaqarfimmi inuuniuteqarnermik issittumilu sanaartornermik misilittagaqarlutit aallartikkusukkuit. Suliaqarfinni ukunani ilinniartoqarpugut, nunalerinermik betonngilerinermillu, qarmaanermik, qalipaanermik, sanasutut aamma illuliortartutut, KJ-imilu ilinniartuusut sanaartornermik pilersaarusianut angisuunut mikisunullu peqataanissamut periarfissaqartarput. Ingerlaavartumik ilinniartunik tigusisarpugut, tunngaviusunillu ilinniagaqarnerit naammassigukku ingerlaannaq aallartissaatit.

Iluarisarparput ilinniartuutitta piffissaq eqqorlugu takkuttarnerat, imaluunniit taanna ilikkaraangamikku, aamma nammineersinnaasarnerat kajumissuseqarnerallu, ilinniartuuffivillu nalaani ilinniartunut ataqatigiissaarisutsinnik aamma suliatigut sammiviit ataasiakkaat iluanni suliaqarfinnut siuttuusunik siunersiorneqartassaatit.

Suliatigut piginnaaneqarnerpit saniatigut uatsinni ilinniartuunerpit nalaani assersuutigalugu sulinerup pilersaarusiortarnissaanut, nammineq piffissamik atuinerpit naatsorsornissaanut aqunnissaanullu piginnaanivit patajaallisarnissaanut periarfissinneqassaatit.

Apeqqutissaqarpit?

KJ Greenland A/S-imi suliffissat inuuniuteqarfissallu pillugit apeqqutissaqaruit taava attaviginissatsinnut kajumissaarusuppatsigit.

Søren Pedersen.

HR- Coordinator – Jobbest.DK
Mobil: +45 5150 7863
Mail: hr@kj.gl

Ingerlanneqartut kingulliit

Ingerlanneqartut kingulliit tamaasa takukkit

Youtubekkut malinnaavigitigut

AASIAAT

Box 300, 3950 Aasiaat
Tel. (+299) 89 27 67

Jens Jensen
(+299) 89 27 67
(+299) 58 27 87
jens@kj.gl

ILULISSAT

Box 402, 3952 Ilulissat
Tel. (+299) 94 26 63

Karl Jensen
(+299) 94 26 63
(+299) 58 33 80
karl@kj.gl

Webmail

Webbureau ITTP